Navratra utsav chal rahe the.....maa ke darshan k liye mandir gai thi...lambi lambi katare maa ke darshan ke liye lagi hui thi....karib saikdo ki bhid me log apni bari ka intazar kar rahe the....mai bhi thi usi katar me bhid ka hissa ban apni bari ka intezar kar rahi thi....mandir me bade pandal saje hue the maa ki murat bahot sundar saji hui thi...charo or maa ki bhakti me log tallin hue bhajan kirtan bhi kiye jaa rahe the.....tabi achanak meri nazar daud kar gai pandal ke bahar faile khule kheto me jaha fasal lahra rahi thi or udit hote surya ki kirne us par chalak rahi thi....asman me panchi nai bhor ke sath nai udan bharne lage or bahati hui hawao ke sath unmukt gagan me udne lage....fir ye khayal ho aya ke kya wakai me ishwar andar char diwari me kaid us murat me maujud hai ya fir is khule asaman ke niche lahrati hui fasalo me udte hue panchiyo me or behati hui hawao me hai.....hum insan bhi kitne ajib hai prakruti ki sundarta ko sajivta ko nazar andaz kr char diwari me kaid murat me ishwar ko talashte hai....khair ye to shradhha or wishwas ki bat hai or is par tippani karna sahi nahi hai.....parantu us nazare ko dekh maine yah anubhav li ki ishwar char diwari me nahi apitu us unmukt gagan me the...panchiyo ki chehchahat me the behati hui hawao me the....asaman se dhara ki or chalakti hui un surya ki kirno me the....